Útieldhúsið

Jæja, nú er sumarið komið í garðinn okkar þannig að ég tók mig til í dag og tók til á pallinum á Kínakoti og í kringum útieldhúsið.

Útieldhúsið er ein mesta snilldin sem búin hefur verið til á þessu heimili en ég fékk þessa hugmynd fyrir nokkrum árum og sendi kallinn út í skúr að smíða. 

Hann smíðaði það úr vatnsheldum krossvið og er það kannski ekki það fallegasta en notagildið er ótvírætt. 

Góðar geymslur eru fyrir allt eldhúsdótið og bakaraofn.

Svo voru eldavélahellurnar gerðar úr trjáskífum:

Svo er það vaskurinn.  En við söguðum úr borðinu og settum þar vaskafat.  Svo til að gera þetta enn flottara þá fundum við gamlan krana sem við áttum og bættum honum við og svo niðurfalli.  Síðan getum við tengt garðslönguna í vaskinn og voila.....það er komið rennandi vatn !  ...og öll börn, bæði strákar og stelpur gleyma sér þarna við allskyns sullerí og eldamennsku :-)

Annað sem við gerðum líka á pallinum hjá Kínakoti var sandkassi.  Ég var orðin svo þreytt á að fá ketti nágrannanna í heimsókn í sandkassann okkar að ég vildi hafa hann yfirbyggðan.  Samt vildi ég ekki hafa hann of stóran þannig að þetta varð niðurstaðan:

hummm....flottur pallur...

...hvað gerist hér ???

ahaaa....sandkassi :-)

 ...svo sópar maður bara sandinum aftur ofaní sandkassann.

Svo í lokin eru nokkrar myndir af Kínakotinu úr sólinni í dag.  Ég á eftir að taka vorhreingerningu inni, þegar það verður gert þá tek á nýjar myndir.

Fín blóm úr Megastore á 298 kr :-)

Svo er hægt að tylla sér og fá sér drulluköku !

Dömur að leik, veit ekki hvorri finnst þetta skemmtilegra, þessi 8 ára eða þessi 4 ára :-)



Sólarkveðja

Kristín

Snagar

Jæja, hérna er svo nýjasta verkefnið mitt, snagar í sumarbústaðinn.

Ég sá úrfærslu á svona snögum á Pinterestinu í fyrra og ákvað strax að ég myndi gera svona í sumarbústaðinn okkar.  Þannig að í heilt ár er ég búin að vera að safna að mér allskyns hnúðum í allskonar búðum, hérlendis (Tekk, Evita, Borð fyrir tvo, Tiger, Söstrene, Laura Ashley ofl) og erlendis (Anthropology).  Alveg ótrúlega mikið til af fallegum hnúðum.

Svo var ég að sjálfsögðu búin að senda kallinn út í bílskúr til að útbúa fyrir mig plötuna.  Svo var bara að mála og bora.

 Síðan þurfti að raða hnúðunum saman á spjöldin og ákvað ég að hafa það eftir litaþema.  Það eru sem sagt þrjú svefnherbergi í bústaðnum og fær hvert herbergi sinn lit og sitt þema eftir þessum snögum.  Sem sagt eitt herbergi verður blátt, eitt grænt og eitt bleikt :-)

 Svo voru snagarnir loksins hengdir upp um helgina og koma þeir bara ótrúlega vel út.

Hérna eru bláu snagarnir:

...og svo grænu snagarnir í græna herberginu:

Bleiku snagarnir:

Hér er svo kveikjan af þessum skemmtilegu snögum.  Alveg ótrúlega mikið af flottum hugmyndum þarna úti á veraldarvefnum....og þá er bara að framkvæma :-)

Svo væri mjög gaman að fá smá komment frá ykkur.  Ég sé að ég er að fá ótrúlega mikið af heimsóknum á síðuna mína en fá komment.  Ekki vera feimin :-)

kveðja

Kristín

Steinar

Jæja, ætli það sé ekki kominn tími á smá færslu hjá mér.  Langar að sýna ykkur afrakstur helgarinnar.  Mjög skemmtilegt verkefni sem hægt er að gera með allri fjölskyldunni, málaðir steinar úr fjörunni.

Fiskasteinarnir okkar :-)

Undanfarið hef ég verið að sjá og leita af flottum myndum á Pinterestinu af máluðum steinum og það er sko ótrúlega mikið til af flottum hugmyndum þar. 

Við eigum bústað á Snæfellsnesi og við vorum þar um helgina.  Kíktum við svo niðrá Djúpalónssand og þar er svo ótrúlega mikið af flottum steinum þannig að við týndum fullt af þeim þar.  Svo er líka bara svo fallegt þarna :-)

Svo þegar við komum aftur í bústaðinn þá settumst við niður og skreyttum steinana.  Stelpunum fannst þetta mjög gaman og okkur mömmunum ekki síður.  Mæli með þessu

Ég keypti gull og silfur penna í Office One og líka túss með metalic áferð.  Svo er líka flott að nota "glitter glue".  Næst ætlum við að prófa að mála á steinana líka.

...og hér eru nokkrar myndir af afrakstrinum.  Þetta er allavega eitthvað sem við eigum eftir að gera aftur :-)

Uglusafnið hjá stelpunum.

Hér eru svo nokkrar flottar hugmyndir af Pinterestinu:

Meira hér

Þá er bara að skella sér í fjöruferð með fjölskyldunni, týna nokkra fallega steina og fara heim að mála og skreyta !

Myndaveggur - Picture wall

Það hefur verið á "to do" listanum mínum lengi að gera myndavegg í fjölskylduherberginu okkar.  Svo rakst ég á þessa mynd sem varð kveikjan að mínum myndavegg. 

Þar sem það eru myndir út um allt hús af dætrum okkar tveimur þá ákváðum við að hafa annað þema og setja gamlar myndir af húsinu okkar.  Húsið okkar heitir Blómvangur, var byggt árið 1926 og á sér ansi merkilega sögu þar sem það er fyrsta garðyrkjulögbýlið á Íslandi og hér voru meira að segja ræktaðir fyrstu tómatar landsins ásamt öðru grænmeti.  Flestar myndirnar eru frá árunum 1930 til 1945.

Hér er svo útkoman:

Keyptum myndahillurnar í IKEA.

Hér fyrir neðan er svo merkileg mynd af Winston Churchill fyrir framan húsið okkar.  En hann kom til Ísland í einn dag í ágúst 1941 til að heilsa upp á breska hermenn en kíkti í leiðinni upp í Mosfellssveit til að kynna sér það hvernig Íslendingar nýttu sér heita vatnið til upphitunar.  Þessar tvær litlu flöskur og neftóbaksdósina fundum við þegar við fórum að grafa upp í garðinum þegar við tókum húsið í gegn.

Þennan litla lykil fundum við líka grafinn í jörðu hérna fyrir utan húsið.  Hver veit af hverju þessi lykill gekk en fallegur er hann og ákváðum við að leyfa honum að njóta sín í þessum fína ramma.

Hérna er svo skemmtileg mynd úr stríðinu sem sýnir kanadískir hermenn á skriðdrekum fyrir utan húsið okkar :-)  & merkið fékk ég í Söstrene og tímaglasið er gamalt og finnst mér það endurspegla gamla tímann í þessu myndasafni.

Þessi litli fugl fékk að fljóta með en tengdapabbi tálgaði hann.

...og svo heildarútkoman aftur

Þannig að við erum bara ansi ánægð með myndavegginn okkar og hann er frábær viðbót við fjölskylduherbergið okkar.  Okkur finnst líka frábært hvernig við getum viðhaldið sögunni á þennan máta.

For my english speaking friends:  I was doing a picture wall in our family room.  I decided to put old pictures of our house but it was built 1926 and has a great history.  You can even see a picture of Winston Churchill in front of our house in 1941.  You can also see an old key, old bottles and a tobacco can which we found in the ground outside the house.  We bought the shelves in IKEA.