Litir

Lífið er bara svo miklu skemmtilegra með smá liti í kringum sig :-)  Þess vegna ákváðum við að leyfa litunum að njóta sín í sumarbústaðnum okkar.  Grunnurinn er hvítur og svo skreytum við með mildum pastel litum, bláum, bleikum, grænum, gulum....

 

Verð nú að segja að Söstrene Grene hefur staðið sig ótrúlega vel í að bjóða landanum upp á litríkan borðbúnað og er meirihlutinn í eldhúsinu okkar úr þeirri ágætu búð :-)

 

Ákváðum að hafa opnar hillur í eldhúsinu til að leyfa góssinu að njóta sín !

                                               

 

 

Líður ykkur ekki bara miklu betur ;-)

 

Svo vitið þið að það er hægt að "kommenta" við allar færslur hérna á blogginu mínu.  Ég veit um fullt af lesendum sem ég þekki sem eru að fylgjast með....látið nú heyra í ykkur ;-)

 

kveðja

Kristín krútt

Smá páskarest

Jájá....þó að páskarnir séu búnir þá er ekkert þar með sagt að maður geti ekki tekið nokkrar páskamyndir ;-)  Náði nokkrum myndir af lituðu páskaeggjunum mínum í dag áður en ég henti þeim í ruslið !

 

Lék mér aðeins að myndunum í photoshop með því að nota "actions" en það er fljótleg leið til að vinna myndirnar.  Vildi fá fram smá rómantískan og vintage "fílíng" og fannst mér myndirnar koma skemmtilega út :-)

 

 

 

 

 

Gleðilega páskarest :-)

 

Litið til baka - Mars

Jæja hérna kemur myndasafnið mitt fyrir Mars mánuð.  Var nú samt ekkert voðalega dugleg að taka myndir í mars, get annars ekki beðið eftir sumrinu þar sem mér finnst miklu skemmtilegra að taka myndir úti.  Svo fór ég í bústað yfir páskana og ætlaði að taka fullt af fallegum páskamyndum, bæði af páskaskrauti og stelpunum......eeeeen myndavélin varð óvart eftir heima !

Myndir....

af skottunni að taka myndir :-)

 

Shared with: Sunday snapshot,

Gamaldags páskamyndir

Fyrir jólin var ég með póst þar sem ég sýndi ykkur gamaldags vintage jólamyndir.  Núna er ég búin að vera á fullu á pinterestinu að finna gamaldags páskamyndir (já, ég á mér ekkert líf ;-))

 

Hægt að nota þær í allskyns föndur, prenta þær út og líma með modge podge á ýmislegt dót og líka til að gera falleg páskakerti.

 

 

 

 

 

 

 

 

 

 

 

 

 

 

 

 

 

 

 

 

 

 

Hægt er að sjá nokkrar fleiri myndir á páskaborðinu mínu á Pinterest.

 

Svo fann ég þessa síðu með fullt af fallegum victorian páskamyndum og einnig fleiri myndum eins og jólamyndum.

 

Njótið :-)

Lítill einmana fugl...

....sem hélt að væri komið vor !!

Horft til baka - Febrúar

Úbbs....var næstum því búin að gleyma að setja inn myndasafnið fyrir febrúar en hérna kemur það :-)

 

 

Nú er ég loksins búin að fara á ljósmyndanámskeið til að læra betur á myndavélina mína. Nú get ég farið að nota stillingarnar á myndavélinni í stað þess að vera alltaf á "auto".  Er með fullt af hugmyndum í kollinum hvað ég ætla að gera en þá er það bara að bíða eftir rétta tímanum, rétta veðrinu, rétta "propsinu" osfrv.

 

Þið fáið örugglega að sjá eitthvað af þeim myndum þegar að því kemur ;-)

 

Góða helgi

Kristín Vald

 

Lituð páskaegg

Jæja, brjálað veður í dag og ekkert annað að gera en að vera bara í kósý, heimabökuð rúnstykki í ofninum, kertaljós og dundur.  Það styttist í páskana og því tilvalið að fara að huga að páskaföndri.  Við mæðgur gerðum þessi egg um helgina og var rosalega gaman hjá okkur.

 

 

Til að lita eggin þarf bara vatn, edik og matarlit.  Í einn bolla af vatni setti ég svona 1-2 tsk af edik og 1 tsk af matarlit.  Fer bara eftir hvað þið viljið hafa sterkan lit. 

 

 

Ég nennti nú ekkert að vera að blása úr eggjunum, ég bara sauð eggin vel og svo verðum þeim bara hent eftir páska ;-)

 

 

Svo er eggjunum dýft í litablönduna og svo fer bara eftir hvað þið viljið að liturinn sé mikill, hversu lengi eggin eru ofaní.  Eggin mín voru fyrir minn smekk aðeins of lengi í litablöndunni og voru því of dökk.  Vildi hafa þau frekar ljós, geri bara annan skammt bráðlega ;-)

 

 

 

 

 

Svo eru eggin lögð á plötu til að láta þau þorna.

 

 

 

Svo er bara að láta eggin njóta sín og bíða eftir páskunum og vorinu :-)

 

 

 

 

Góða skemmtun :-)

 

Svo er ég með önnur egg í bígerð sem eru enn á tilraunastigi, næ vonandi að sýna ykkur þau fljótlega.

 

......og svo megið þið alveg skilja eftir smá spor í gestabókinni ;-)

 

kveðja

Kristín Vald