Rómantískt sumar

Jæja, þá er ljósmyndadellan alveg að fara með kellu því í dag dröslaðist ég út með allskyns dót og dúllerí og stillti upp í rómantíska myndatöku af systrunum.  Notaði þessa fínu himnasæng úr IKEA !

Systurnar alveg að verða þreyttar á þessu veseni á mömmu sinni.....hehe....en myndatakan tókst bara mjög vel :-)

 

Ég verð eins og lítill krakki á jólunum þegar ég er búin með svona myndatöku, að vita af myndavélinni fullri af góssi, henda kortinu í tölvuna og sjá dásemdina birtast á tölvuskjánum.  Svo að bíða eftir að stelpurnar hendist í bólið svo ég geti átt ástarsamband við tölvuna mína, velja myndir og vinna þær í photoshop og lightroom....ekkert skemmtilegra :-)

 

Hér koma nokkrar myndir úr tökunni í dag:

 

 

 

Endilega látið svo heyra í ykkur, vil endilega fá álit ykkar.....hvort ég sé á réttri leið eða hvort ég eigi bara að halda þessu fyrir mig ;-)

 

kveðja

Kristín

 

I did a romantic shot with my girls today and it turned out pretty good :-)  I used an IKEA bed canopy and hung it up in a tree in my garden.

 

Shared with: Sunday snapshot, Favorite photo Friday


Sérstakt samband

Stóra stelpan mín er algjör hestastelpa og það sést vel á þessari yndislegu mynd :-)

 

We met this beautiful foal yesterday and my big girl was very happy because she loves horses.....and the foal was so cute and curious :-)

Shared with: Sunday snapshot

Afmælisstelpa :-)

Ég er búin að bíða í allan vetur og allt vor eftir góða sumarveðrinu til að taka fallegar útimyndir og nota linsuna mína sem ég fékk í desember.  En nei nei.....sumarið ekki alveg á leiðinni.  Ég náði samt nokkrum myndum eftir kvöldmat í gærkvöldi...svona rétt á milli skúra ;-)  Mútaði snúllunni minni með ís þar sem mig langaði svo að taka af henni afmælismyndir því hún á 5 ára afmæli í dag.....jibbýýýýýý.

 

Myndatakan heppnaðist svona líka vel þó hún hafi ekki tekið nema um 15 mínútur.

 

 

 

 

...og svo er úrval af myndum úr tökunni....átti svoldið erfitt með að velja myndir !

 

 

Hérna er sniðugt forrit þar sem er hægt að gera svona myndasöfn (collage) eins og er hérna fyrir ofan.  Einfalt og þægilegt og hægt að velja um fullt af möguleikum :-)

 

Vona að sumarið fari nú að koma með sól í hjarta og blóm í haga.

 

kveðja

Kristín

Shared with: Favorite photo friday

 

Sveitaferð

Fórum í sveitaferð í dag og að sjálfsögðu voru stelpurnar myndaðar bak og fyrir með dýrunum.  Hérna koma nokkrar valdar og unnar.  Það er alveg ótrúlegt hvað allt ungviði (börn, lömb, ungar, kettlingar ofl) er fallegt og gaman að mynda :-)

 

 

kveðja

Kristín....sem bíður eftir sumrinu

Shared with: Sunday snapshot, Favorite photo Friday

Lítið DIY verkefni

Hérna er lítið DIY ("do it yourself") verkefni sem ég gerði um daginn. 

 

 

Mig vantaði náttborðslampa í sumarbústaðinn og var ekki alveg að finna það sem mig langaði í.  Fann svo ágæta lampa í rúmfatalagernum, hvíta lampa í gamaldags stíl. 

 

 

Var ekki alveg að fíla skermana sem fylgdu með þannig að ég keypti nýja í IKEA.

 

 

En þar sem mig langar að hafa meira af litum í sumarbústaðnum þá ákvað ég að mála þá bláa (í svipuðum lit og blái skápurinn).

 

 

Svo þegar ég var búin að mála þá þá mundi ég eftir litlum fiskum sem ég hafði keypt í sömu ferð í Rúmfó.  Hafði ekki keypti þá í þessum tilgang en mér fannst upplagt að hengja þá á lampana.  Mér finnst þetta bara koma vel út og er vel við hæfi að hafa svona fiskaþema þar sem við erum við sjóinn :-)

 

 

Svo hengdi ég upp aðra fiskitorfu á fínu snagana mína í herberginu.

 

 

kveðja úr sumó

Kristín

Litið til baka - Apríl

Apríl var ágætur ljósmyndamánuður hjá mér.  Fékk þann heiður að taka myndir af tveimur afar fallegum fermingarstúlkum og tókst það bara ágætlega :-)  Síðan tók ég smá myndaþætti af stelpunum mínum. 

 

 Get ekki beðið eftir sumrinu því mér finnst nefnilega skemmtilegast að taka myndir úti í náttúrunni og er ég með fullt af hugmyndum í kollinum :-)

 

En hérna er myndasafn Apríl mánaðar

 

 

Dans dans dans

Þar sem við erum að mála stofuna okkar og taka hana í gegn (fáið að sjá það seinna;-)) þá breyttum við stofunni í ljósmyndastúdíó í dag :-) 

 

Stóra dansstelpan mín tók sporið og mamman tók myndir.

 

Shared with: Favorite photo Friday, Sunday Snapshot

Litir

Lífið er bara svo miklu skemmtilegra með smá liti í kringum sig :-)  Þess vegna ákváðum við að leyfa litunum að njóta sín í sumarbústaðnum okkar.  Grunnurinn er hvítur og svo skreytum við með mildum pastel litum, bláum, bleikum, grænum, gulum....

 

Verð nú að segja að Söstrene Grene hefur staðið sig ótrúlega vel í að bjóða landanum upp á litríkan borðbúnað og er meirihlutinn í eldhúsinu okkar úr þeirri ágætu búð :-)

 

Ákváðum að hafa opnar hillur í eldhúsinu til að leyfa góssinu að njóta sín !

                                               

 

 

Líður ykkur ekki bara miklu betur ;-)

 

Svo vitið þið að það er hægt að "kommenta" við allar færslur hérna á blogginu mínu.  Ég veit um fullt af lesendum sem ég þekki sem eru að fylgjast með....látið nú heyra í ykkur ;-)

 

kveðja

Kristín krútt

Smá páskarest

Jájá....þó að páskarnir séu búnir þá er ekkert þar með sagt að maður geti ekki tekið nokkrar páskamyndir ;-)  Náði nokkrum myndir af lituðu páskaeggjunum mínum í dag áður en ég henti þeim í ruslið !

 

Lék mér aðeins að myndunum í photoshop með því að nota "actions" en það er fljótleg leið til að vinna myndirnar.  Vildi fá fram smá rómantískan og vintage "fílíng" og fannst mér myndirnar koma skemmtilega út :-)

 

 

 

 

 

Gleðilega páskarest :-)

 

Litið til baka - Mars

Jæja hérna kemur myndasafnið mitt fyrir Mars mánuð.  Var nú samt ekkert voðalega dugleg að taka myndir í mars, get annars ekki beðið eftir sumrinu þar sem mér finnst miklu skemmtilegra að taka myndir úti.  Svo fór ég í bústað yfir páskana og ætlaði að taka fullt af fallegum páskamyndum, bæði af páskaskrauti og stelpunum......eeeeen myndavélin varð óvart eftir heima !

Myndir....

af skottunni að taka myndir :-)

 

Shared with: Sunday snapshot,